رضوى الشربيني تنفي نبأ زواجها من سمير يوسف وتؤكّد أن الأمر عارٍ تمامًا عن الصحة
آخر تحديث GMT 04:53:15
 فلسطين اليوم -

بعدما راج الخبر على مواقع التواصل الاجتماعي خلال الآونة الأخيرة

رضوى الشربيني تنفي نبأ زواجها من سمير يوسف وتؤكّد أن الأمر عارٍ تمامًا عن الصحة

 فلسطين اليوم -

 فلسطين اليوم - رضوى الشربيني تنفي نبأ زواجها من سمير يوسف وتؤكّد أن الأمر عارٍ تمامًا عن الصحة

الاعلامية رضوى الشربيني
القاهره ـ فلسطين اليوم

حسمت الإعلامية المصرية رضوى الشربيني، ما راج خلال الساعات الماضية من أنباء بشأن زواجها في السرّ من زوج مواطنتها الإعلامية الكبيرة منى الشاذلي، وهو سمير يوسف، الرئيس التنفيذي لمجموعة قنوات CBC، مؤكدة أن هذا الأمر عارٍ تمامًا عن الصحة. وقالت رضوى الشربيني، في مقطع فيديو بثّته عبر صفحتها الرسمية في موقع "فيسبوك": "الحقيقة إن أنا داخلة في السنة الخامسة من برنامج (هي وبس) وبيطلع عليا إشاعات كتير مرة اتجوزت

13 و14 مرة، ومرة من فلان وعلان، وبقالي 5 سنين بسمع كلام مش محترم ومش مظبوط وكل أسبوع أو كل شهر بيطلع عليّا إشاعات".وأضافت الإعلامية المصرية قائلة: "وكل الحاجات اللي مريت بيها ساكتة خالص مهما حصل، ومكنتش بتكلم لأن ربنا موجود وهيبين الحقائق، واللي عايز يحبني أو يعرف عني حاجة كويسة هو حُر، لكن النهارده طلعت من حلقة يوم السبت لقيت إشاعة غريبة". وعقبّت رضوى الشربيني بالقول:

"لقيت إشاعة غريبة جدًا ولإنها ما تخصنيش أنا لوحدي طالعة أتكلم، وده للمرة الثانية، وفي المرة الأولي طلع عليا إني مرتبطة بمواطن مغربي اسمًا وقولًا، واتقال إني هتجوزه ودلوقتي لسه طالعة من الاستوديو بنفس المكياج طلعت إشاعة غريبة، مش عارفة اتقال ليه، أو يمكن عارفة اتقال ليه في التوقيت ده بالذات".وشددّت الشربيني: "بقول للناس اللي بتحبني وما بتحبنيش أنا شخص مش مرتبط، ولما هرتبط كل الناس هتعرف، علشان أنا مش الست

اللي بتعمل حاجة في الدرا ومش الست اللي بتعمل حاجة في الخفا، أنا بجحة كفاية أوي إن أي حاجة اعملها أطلع أقول إني بعملها، لأن الجواز مش عيب وبقول كده في برنامجي على طول اتجوزوا بس اختاروا صح".واستطردت رضوى: "أنا واحدة مش مرتبطة يا جماعة، اتنين لما يبقى في شخص أو مواطن مش محترم يطلع عليا إشاعة مش محترمة، لو إنت ما بتحبنيش طلع إشاعة بس ما تضرش عيلة ملهاش أي ذنب، ما تضرش راجل محترم أو ست محترمة ملهمش أي ذنب غير إن الناس دي إخواتي فعلًا".

وتابعت رضوى الشربيني: "في ست تقبل إنها تتجوز راجل متجوز هي حرة، لكن أنا ما أقبلش ومش عايزة، فبقول للأستاذ فلان الفلاني دي جات فاول منك OUT لأن كل الناس تعرف مين هي رضوى الشربيني اللي بتقول لكل واحدة ست حرام عليكي تكسري قلب ست متجوزة".واستأنفت قائلة: "أنا رديت النهارده علشان الإشاعة المرة دي ما تخصنيش لوحدي، لكن تخص عيلتي التانية، وناس ليها أفضال عليا من ساسي لراسي،

وطلعت أديلهم حقهم، وأقولهم حقكوا عليا أنا، وأنا بعتذر لهم حقيقي بالنيابة عن هذا الشخص الغير محترم وحقكوا على راسي".وأكدت رضوى: "أنا ست مش مرتبطة، بربي بناتي وبشوف شغلي وبشوف مشاكل الستات، واللي بنقدر نحله بنحله، واللي مش بنقدر عليه بندعي ربنا إنه يحله، ولما ارتبط مش مصر هتعرف الوطن العربي كله هيعرف، ومش هتكلم تاني أكتر من كده علشان ما اديش الحاجة أكبر من حجمها".

وبشأن ردها على تلك الشائعة قالت رضوى الشربيني: "طلعت رديت لإن رد الحق للناس المحترمة واجب، ولأنى لقيت وأنا جاية في العربية بعض التعليقات اللى زي ما يكون الناس كانت مستنية أو ما بتصدق، أو أنا مش عارفة.. ليه لما يتقال عليها الناس اللي بيطلق عليهم مشاهير حاجة حلوة مش بتتصدق، ولما بيتقال حاجة مش كويسة، بتتصدق وتجري كده".ونوّهت: "ربنا يهدي الجميع، ويهدي الشخص اللي فكر يكتب الكلمتين دول، بردو أنا مسامحاك لأني عارفة إنت عامل كده ليه

، وواخد من مين علشان تكتب كده وحياة ربنا، وربنا ما تصدقوش كل حاجة بتتقال، ما تصدقوش كل إشاعة، ما تصدقوش كل كلمتين، علشان احنا بني آدمين وعندنا أهل وعيال بيضايقوا علينا وسمعة، إحنا يقال علينا مشاهير، بس بنزعل وعندنا ناس بتزعل عليها". واختتمت بالقول: "ربنا يهدي الجميع، دول كلمتين طلعت أقولهم في حق ناس جزمتهم على راسى.. لو رضوي الشربيني بتحب هتقول وهاخد رأيكوا زي ما خدتوا رأيي، زي ما بعمل من 4 أو 5 سنين".

وكان قد نشر أحد الصحفيين في مصر، عبر حسابه في فيسبوك، قائلًا: "أنا سعيد جداً والله بالأخت المذيعة اللي كانت بتطلع عالهوا تنصح البنات انها تخرب بيوتها بإيدها وإنها ماتقبلش تبقى زوجة تانية وما تقبلش بمش عارف إيه، وكان كتير من الستات والبنات اللي لا ليهم هوية ولا شخصية ماشيين وراها وبيشيروا كلامها".وتابع قائلًا: "سعيد باللي هيحصل لها لما الناس تعرف إنها هتبقى زوجة تانية قريب وإنها خربت بيت زميلتها الإعلامية الشهيرة وخدت جوزها اللي بقالها ٢٠ سنة متجوزاه ومخلفة منه ٣ عيال.. #بلوق_بلوق".

 

قد يهمك ايضا:

زوج ينشر صور زوجته بملابس المنزل لينتقم منها ورضوى الشربيني تعلّق

رضوى الشربيني تحث الفتيات على الإبلاغ عن حوادث التحرش الجنسي

palestinetoday
palestinetoday

الإسم *

البريد الألكتروني *

عنوان التعليق *

تعليق *

: Characters Left

إلزامي *

شروط الاستخدام

شروط النشر: عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

اُوافق على شروط الأستخدام

Security Code*

 

رضوى الشربيني تنفي نبأ زواجها من سمير يوسف وتؤكّد أن الأمر عارٍ تمامًا عن الصحة رضوى الشربيني تنفي نبأ زواجها من سمير يوسف وتؤكّد أن الأمر عارٍ تمامًا عن الصحة



 فلسطين اليوم -

هيفاء وهبي تتألّق بفستان مرصع بالكريستال

القاهرة - فلسطين اليوم
هيفاء وهبي خطفت الأنظار بالتزامن مع احتفالها بعيد ميلادها بأناقتها ورشاقتها التي ظهرت بها خلال حفلها الأخير الذي أحيته في قطر، حيث أبهرت النجمة اللبنانية جمهورها على المسرح بطلتها اللامعة بفستان مرصع بالكامل بحبات الكريستال، وبهذه الإطلالة تعود هيفاء وهبي لستايل الفساتين المجسمة التي تتباهي من خلالها بجمال قوامها وهو التصميم الذي كانت تفضله كثيرا أيقونة الموضة، وذلك بعد اعتمادها بشكل كبير على صيحة الجمبسوت التي أطلت بها في معظم حفلاتها السابقة. هيفاء وهبي سحرت عشاقها في أحدث ظهور لها على المسرح خلال حفلها الأخير بقطر بإطلالة جذابة بتوقيع نيكولا جبران، حيث اعتمدت أيقونة الموضة مجددا التصميم المحدد للقوام مع الخصر الذي يبرز بقصته الضيقة مع الحزام جمال قوامها، حيث تمايلت هيفاء وهبي على المسرح بأسلوبها الأنثوي المعتاد بف...المزيد

GMT 23:21 2023 الإثنين ,13 آذار/ مارس

اكتشاف بروتين الدم المتورط في الاكتئاب

GMT 22:52 2023 الإثنين ,13 آذار/ مارس

هيفاء وهبي تتألّق بفستان مرصع بالكريستال

GMT 13:58 2023 الخميس ,09 آذار/ مارس

مواد وظيفية فلورية تستخدم في علاج السرطان

GMT 06:43 2019 الأحد ,17 تشرين الثاني / نوفمبر

تبدأ الاستعداد لبدء التخطيط لمشاريع جديدة

GMT 16:41 2018 الأربعاء ,21 آذار/ مارس

5 فوائد تدفعك إلى ارتداء الجوارب أثناء النوم

GMT 03:14 2015 الأربعاء ,25 تشرين الثاني / نوفمبر

كيت موس تستعيد شبابها بالمشاركة في حملة "مانغو" الأسبانية
 
palestinetoday

Maintained and developed by Arabs Today Group SAL
جميع الحقوق محفوظة لمجموعة العرب اليوم الاعلامية 2023 ©

Maintained and developed by Arabs Today Group SAL
جميع الحقوق محفوظة لمجموعة العرب اليوم الاعلامية 2023 ©

palestinetoday palestinetoday palestinetoday palestinetoday