نشر المطرب تامر حسني، عبر صفحته الرسمية على موقع التواصل الاجتماعي "فيسبوك"، صورة تجمعه بأحد معجبينه، والذي ظهر مشابهًا له بصورة أثارت تعجبه و عدد كبير من متابعيه.

وقال "تامر" عن الصورة:" للوهلة الأولى كنت رايح اسلم عليه وكنت فاكره أنا، لأ وتحس إنه شبهي أكتر مني مش فاهم إزاي، المهم بعد ما اتكلمت معاه لقيت الموضوع كله إن من الحب ما شبه، بس اللي خلاني أكتب البوست ده حاجه مهمة أوي إني سألته بتشتغل إيه قالي مهندس، ففرحت، عشان إنك حتى  لو بتحب فنان ومستهويك، إوعى تلغي نفسك وتعيش على الفكره دي، هزر بيها كام يوم كده وخلاص".

وتابع: "إنما انت لازم تبقى انت، واللي هكون فرحان بيه بجد انك لو بتحب فنان أوي كده فياريت تتأثر بالمضمون مش بالشكل، اتأثر بنجاحه واتعب وانجح زيه في مجالك".